春水居

記錄歇熱的生活。

第一禮拜，轉去庄跤五工，順紲健康檢查。（20工了後收到結果，規個狀況猶閣會使。）禮拜時，丹娜絲風颱來，對台南、嘉義沿海地區造成真大的災害。

第二禮拜，走去參加文學營四工，收成誠濟。

第三禮拜，開始暑輔的課，毋閣毋是真正上課，干焦是叫兩个選手逐工來寫練習卷爾爾。猶有，這禮拜我共兩個研習的影片看了矣，一个是「兒童權利公約」，一个是「CPR」。這禮拜閣有參加一個實體研習，共這冬的「特教學分」提起來矣。

第四禮拜，仝款逐工去學校等囡仔來寫考卷，兼做檢討講義。嘛開始整理教室。這禮拜共「地標」貼好矣。有轉去投票，毋過輸矣。暗時參小弟、孫仔去散步，看著火金姑！

第五禮拜，仝款予囡仔寫考卷，我做檢討講義。結果其中一个囡仔，去參加營隊四工（有一工放大雨假）。這禮拜我共教室的垃圾桶整理好矣。拜六，本來要監考台語認證，結果落大雨閣放假矣。

第六禮拜。返校日。有五个囡仔無來報到。這禮拜開始改作文，一工愛改12張，按呢會使準時完工。這禮拜仝款予囡仔寫字音字形考卷，完成原訂的進度。

第七禮拜，參加CPR，結果楊柳風颱來，延期兩工，改到拜五。講師真敖力鼓勵人，講阮會使做助教矣。

第八禮拜，轉老家，彼叢九重葛倒下去，共整理閣插枝落去，希望會活轉來。去阿里山三工，真好耍閣真舒適的溫度。拜五有去學校，看一寡課本的進度。

第九禮拜，欲開學矣，去班上處理代誌，共垃圾桶、回收桶的位置決定好。拜四備課日，拜五返校日，開校務會議。