第一節課：讀家己的台語名（蔡美惠）
這个老師干焦舊年有來，彼時陣伊是學員，毋閣有攑手自我介紹。彼時，我就想講今年伊檢采會夆請來做講師，果然無毋著。伊今仔講的內容，予我發現真濟人的名其實是讀毋著的，譬論講「陳水扁」，後壁彼兩字愛讀文音，毋閣，名隨主人，主人講較愛白音，咱就綴咧讀白音。
第二節，歌仔戲（張繻月）
風雨故人來，玟惠學姐嘛來矣，伊演孟麗君，繻月學姐演皇帝。看著𪜶兩个，真正予人數念我的大學歌仔劇社團。原來桂英老師猶閣佇咧，繻月講伊得欲八十歲。汪老師已經離開真久矣，已經21冬矣。
第三節，新詩（周蘇宗／周星瀚）
真有元氣，真性格閣豪邁的一个詩人。為著欲推捒台語，冊是用送的。看伊寫詩是真簡單，凊凊彩彩就完成一首好詩，有夠厲害。伊講今年欲出一塊唱片（唱的人是許大俠／許霈文），會使大大期待一下。
第四節，少年人愛聽的台語歌（何信翰）
其實何老師講真濟，我的標題是凊彩寫一下爾爾。伊提供真濟資源，會使來好好仔利用。今仔日的課，我是這節課收成上濟，老師舉的例攏對我真有幫贊，感謝何老師。
文章標籤
全站熱搜
