春水居

頭一節：台南文化（馮勝雄）

這个演講頂禮拜馮老師才講過（我有佇youtube看著影片，毋閣無看，因為看得出來今仔日馮老師會講同仝的物件）。我真佮意聽在地人講台南，台南真正有足濟足濟物件通講。而且馮老師人有夠趣味，定定順紲講一寡倚音的笑話。

上尾節：結業式。

今仔日的方式佮舊年無仝，有請幾若个學員上台分享𪜶的感想。按呢的方式袂䆀，毋但會使聽無仝的分享，嘛會使避免攏是金安董塊唱獨角戲。當然，結業式袂使欠的就是合唱「渭城曲」，這是勁連老師之歌，祝福伊健康平安。

活動結束了後，有領得結業證書。我斟酌共看一下，舊年寫毋著的兩个字，攏有改過來，非常之好。

第三冬的文學營結束矣。我真佮意今年的物件，感覺有飽滇的收成。紲落來，愛多開一寡時間，共這的物件好好仔吸收。