頭一節：台語文學史（陳慕真）
對1885年台灣的第一份報紙《台灣府城教會報》講起。寫的是白話字，內容真豐富，你想會著的差不多攏總有。第二階段，日本時代的台語文學。這个時期一方面流行「歌仔冊」（譬論講胡蠅蠓仔大戰歌），一方面嘛有白話字的散文、小說、戲劇。閣來有「台灣話文論戰」，嘛出現台語漢字小說。
第三時期，戰後初期到1990年代。這个時期台語捌夆禁止，毋閣，對76年解嚴、80年終止動員戡亂後，台語的作品就愈來愈濟。上尾啊，是2000年以後，有較豐沛的成果。
第二節：民俗文化（林茂賢）。這个演講我五月份聽過囉啦，內容一模一樣。（https://gracefss.pixnet.net/blog/post/49635732）
第三節：唱過的歌，行過的路－台灣史詩聯篇歌曲（簡上仁）。老師彈吉他自彈自唱，得心應手，歌聲好聽，使人欣羨。
第四節：台文翻譯的理路（陳麗君）。這節課會使講是補充頭一節課的內容。真豐富嘛真有趣味，我欲找時間共遐的音檔攏聽聽咧。
文章標籤
全站熱搜
